ფონდის შესახებ

საქველმოქმედო ფონდი საქართველოს კარიტასი უკვე 30 წელია იქ დგას, სადაც ყველაზე მეტად სჭირდებათ მხარდაჭერა. ჩვენ გვერდში ვუდგავართ ბავშვებს, რომლებიც მზრუნველობას მოკლებულნი არიან; ადამიანებს, რომლებიც სიღარიბემ ან უსახლკარობამ მარტო დატოვა; შშმ პირებს, ძალადობის მსხვერპლ ქალებს, მარტოხელა ხანდაზმულებს, მძიმე მდგომარეობაში მყოფ პაციენტებსა და სამშობლოში დაბრუნებულ მიგრანტებს. ჩვენ უსაფრთხო თავშესაფარს, თბილ საკვებს, აუცილებელ სამედიცინო და საყოფაცხოვრებო მხარდაჭერას, განათლებისა და ღირსეული შრომის შესაძლებლობას უზრუნველვყოფთ. ჩვენ მხარს ვუჭერთ არა მხოლოდ ცალკეულ ადამიანებს, არამედ თემებს და სოფლებს და კრიზისების დროს პირველები ვრეაგირებთ. 30 წლის განმავლობაში ათობით ათას ადამიანს მივაწოდეთ მხარდაჭერა და რეალური დახმარება.