Project Description

პროგრამის მიზანია, შევქმნათ ისეთი გარემო, სადაც მშობლებს და მზრუნველ პირებს შეუძლიათ სირთულეების გადალახვა და ბავშვებისთვის სტაბილური და მზრუნველი გარემოს უზრუნველყოფა. პროგრამა ფოკუსირებულია მშობლობის უნარების განვითარებაზე და ოჯახების სოციალურ-ეკონომიკური მდგომარეობის მნიშვნელოვნად გაუმჯობესებაზე. უმნიშვნელოვანესია, ბავშვები იზრდებოდნენ საკუთარ ბიოლოგიურ ოჯახებში. შესაბამისად, ყველაფერს ვაკეთებთ, რომ არ დადგეს მათი ოჯახებისგან განცალკევების საჭიროება. ოჯახის გაძლიერების მომსახურებები, საკუთარი არსით, პრევენციული მომსახურებებია, რომელთა მიზანიც ბავშვისა და ოჯახის წინაშე არსებული სირთულეების პრევენცია, ან გამწვავების თავიდან არიდება და ბავშვის ოჯახურ გარემოში შენარჩუნებაა.